الجمعة 24 مايو 2024

طريقة قلي البطاطس جديدة

موقع أيام نيوز

نظرا لارتفاع سعر الزيت ياريت تتعلموا ماتحمروش بطاطس تاني بالطريقة القديمة اللي هي غمر البطاطس بالزيت

وإعملوها كده هتوفروا معاكم زيت وكمان طعمها أحلى بكتير من البطاطس المحمرة العادية

الطريقة يا حلوين كالتالي

١. بتقطعي البطاطس بحجم وسط وتحطيها في مية وملح ومعلقة خل بتعمل قرمشة جامدة

٢. وبعدين تتسلق في ميه لمدة ٤ دقايق بس

٣. وبعدين تفرمي توم وبابريكا وملح وفلفل وكمون وكمان زعتر لو عندك وتقلبي فيهم البطاطس

٤. وبعدين معلقتين كبار زيت ع البطاطس وتقلبيهم

٥. وبعدين في الفرن تحت الشواية وتسبيها تتحمر لمدة ١٠ دقايق بس

والنتيجة عن تجربة : أقسم بالله ريحتها بتقلب الدنيا

ريحة الثوم مع البطاطس ولون البابريكا بيكون خطېر جدا ولو جربتوها هتعجبك إنتي وعيالك

وكلنا عارفين أن الكبار قبل العيال بتعشق البطاطس المحمرة

ده طبعا غير إنها صحية جدا جدا بزيت قليل لاننا كلنا عارفين أضرار الزيوت المهدرجة علي الصحة

وممكن اللي مش عايزه توم متحطش وممكن اللي مش عايزه الطريقة دي خالص انقعيها في خل وملح وميه لمدة ساعة واقليه في الزيت عادي خالص هتطلع مقرمشة ومش هتشرب زيت

منقول